Heimsins besti tangóari - smásaga eftir Kristínu Bjarnadóttur - kom út í bókarformi í tilefni Tangóhátíðar í Reykjavík 1.-4. september s.l. Bókin er sú fyrsta í ritröð um dans eftir sama höfund.

 

Spænsk þýðing smásögunnar - El mejor tanguero del mundo - er eftir Kristinn R. Ólafsson rithöfund og birtist nú á prenti í fyrsta sinn. Litróf sá um prentun; bókin er fjörutíu blaðsíður með ljósmyndum eftir textahöfund en útlit og hönnun eftir Birgittu Jónsdóttur. 

 

Heimsins besti tangóari/El mejor tanguero del mundo, fæst á kr. 1500 í Kramhúsinu og einnig hjá Möggu Rósu í Iðnó við Tjörnina (opið alla virka daga frá kl. 11:00 til 16:00) þar sem Milongur eru haldnar fyrsta þriðjudag hvers mánuðar.

 

Bókin Heimsins besti tangóari/El mejor tanguero del mundo er tvítyngd þ.e. á íslensku og spænsku og hugsuð m.a. sem kynning á nokkurm hugtökum tangóheimsins og því upplögð sem pedagógísk gjöf handa verðandi tangóurum og öðrum sem hafa áhuga á argentínskri menningu. Sagan er um leið persónuleg lýsing á Milongu í Buenos Aires; á reglum og lögmálum sem þar virðast ríkja meðan hið ófyrirsjáanlega fer sínu fram. Eða eins og sænski bókmenntaprófessorinn Birgitta Holm orðar það á bókarkápu:

"Is is a Milonga, a dancing night in Buenos Aires, real and concrete. But almost inceptible it takes off, floates into something slightly surrealistic. Which is the condition of tango. As of life."

 

Kristín byggir á eigin reynslu í Mekka Tangósins - Buenos Aires - sem hún sótti heim í fyrsta sinn árið tvö þúsund og tvö. Nýlega flutti hún í fyrsta sinn úr óbirtum ljóðaflokkum sínum um sama efni, þ.e. heim tangófífla og tangóferðalanga frá ýmsum sjónarhólum á kvölddagskrá í Norræna húsinu undir samnefnaranum "Ég halla mér að þér og flýg" þar sem hún kom fram ásamt bandoneonleikaranum Carlos Quilici, og síðan í Iðnó á Menningarnótt ásamt Carlosi og tangódönsurunum Hany og Bryndísi. Bók með prósaljóðum Kristínar um argentínska tangóinn er væntanleg innan árs, en sýnishorn þeirra má finna í Tímariti máls og menningar, haustheftinu 2005. 

meil: kristinbjarna@hotmail.com