 |
|||
 |
 |
||
|
Til baka á forsíðu
|
Við bjóðum upp á námskeið á öllum stigum, einkatíma og sýningar. Um okkur: Hany og Bryndís hafa lært hjá mörgum þekktum kennurum frá Argentínu. Helstir eru Gustavo Naveira og Giselle Anne, Cecilia Gonzalez, Mariano “Chicho” Frumboli og Eugenia Parilla, Damian Essel og Nancy Luzan og fleiri. Þau fengu boð um þátttöku í Special Seminar fyrir kennara og atvinnudansara hjá Gustavo Naveira og Giselle Anne, í Buenos Aires, Argentínu í mars 2003 og hlutu til þess styrk frá Menntamálaráðuneyti. Þau fóru aftur til sömu meistara í Buenos Aires í mars 2005 og 2006. Bryndís og Hany hafa frá upphafi kennt í Kramhúsinu. Þau hafa einnig verið stundakennarar við Listaháskóla Íslands leiklistadeild frá 2001 og kennt á námskeiðum í ýmsum dansskólum og félögum m.a. í Reykjavík, Hafnarfirði, Akureyri, Akranesi, Reykjanesbæ, Mosfellsbæ og Þórshöfn í Færeyjum. Þau hafa einnig samið og æft dansa fyrir leikhús, s.s. söngleikinn Evítu, Svaninn hjá leikfélaginu Annað svið og Sumaróperuna 2004. Hany og Bryndís teljast klassískir tangódansarar og byggja kennsluna á klassískum tangó undir áhrifum frá nútíma straumum. Þau leitast við að aðlaga sig að getu nemandanna í hverjum hópi og blanda tækniæfingum og léttum húmor inn í kennsluna. Þau leggja áherslu á til að byggja upp næmni fyrir dansfélaga, bæta tækni, auka tónlistarskilning, flæði í hreyfingum og síðast en ekki síst dansgleði. Bryndís og Hany kenndu og sýndu á Tango del Norte festival í Kaupmannahöfn 2006 og 2007, á Påsketango í Sönderborg Danmörku 2008, 2009 og 2010. Þau hafa einnig verið gestakennarar í M2 Tango Studio í Kaupmannahöfn og hjá ýmsum tangóklúbbum í Danmörku. Bryndís og Hany stofnuðu Tangófélagið ásamt nokkrum áhugasömum dönsurum í apríl 2000. Tangófélagið skipuleggur nú regluleg danskvöld tvisvar í viku, árlegt tangómaraþon og Tangófestival í Reykjavík, TANGO on ICEland.
Ferðaplan B & H 2010: M2 Tango Studio, í K.höfn: workshop og TangoZoo, 29. - 31. janúar 2010 M2 Tango Studio í K.höfn, workshop og TangoZoo, 27. - 29. mars 2010 Påsketango í Sönderborg, 31.mars - 5. apríl 2010 Workshop í Gladsaxe tangoforeningen 16. maí 2010 Åalborg Sommerfest, 12. - 13. júní 2010 Sommer tango festival í Randers Danmörku 12. - 19. júlí, 2010 Fiona tango festival í Svendborg Danmörku, 10.-12. september 2010 Efterårstango í Sönderborg 8.- 15. október 2010 M2 Tango Studio í Kaupmannahöfn, TangoZoo 17. október 2010
Hany Hadaya er fæddur í Vínarborg í Austurríki, en hefur verið búsettur á Íslandi síðan 1988, er hann kom til starfa hjá Íslenska dansflokknum. Hann nam klassískan ballet og nútímadans í Hollandi, en áður nam hann arkitektúr í Tækniháskólanum í Vínarborg. Hany lauk prófi í grafískri hönnun frá Listaháskóla Íslands árið 1998. Hann hefur starfað á auglýsingarstofum í Reykjavík, en rekur nú sitt eigið hönnunarfyrirtæki H2 hönnun. hany@h2h.is
Bryndís Halldórsdóttir er fædd á Íslandi. Hún lagði stund á klassískan ballet í Listdansskóla Þjóðleikhússins frá unga aldri og síðar jazzballet og nútímadans. Bryndís er þroskaþjálfi að mennt og lauk einnig BA prófi í heimspeki og bókmenntum árið 1995. Hún starfar sem sviðsstjóri fræðslu- og mannauðssviðs á Greiningar- og ráðgjafarstöð ríkisins. bryndis@tango.is
Nokkrir fyrri viðburðir/sýningar:
|
||
